UNDP_edited.jpg

ლოგისტიკა და გაყიდვები

1024px-USAID-Logo.svg.png
Enterprise_edited.png

ზოგადი მიმოხილვა

 

იმერეთის აგრო ზონა ექსკლუზიურად მოემსახურება 93-მდე სხვადასხვა სასათბურე მეურნეობის ოპერატორს და განსხვავებული სერვისების მიმწოდებლებს, მათ შორის სოფლის მეურნეობის აღჭურვილობით მომმარაგებლებს, ბანკებს, საცალო მოვაჭრეებსა და კომუნალური მომსახურებით უზრუნველმყოფელებს. იმერეთის აგროზონის "ერთი-ფანჯრის" სერვისის პრინციპის შეთავაზების ფარგლებში, ლოგისტიკურ და გაყიდვების კომპანიებს შეეძლებათ შეაგროვონ პროდუქცია, უზრუნველყონ მისი ხარისხი, შეკრება და შეფუთვა, სამაცივრე მეურნეობით უზრუნველყოფა, დამქირავებლების სასარგებლოდ საქონლის რეალიზაციის მართვა და საბოლოოდ პროდუქციის რეალიზაციისთვის მომზადება.

შეთავაზებული კომერციული სტრუქტურა

 

იმერეთის აგრო ზონის ფარგლებში მოქმედი ლოგისტიკისა და გაყიდვების პროვაიდერები იქნებიან დამოუკიდებელი და თვითკმარი კომერციული ორგანიზაციები. ამისთვის საგანგებოდ გამოიყო სივრცე, რომელიც ახლოსაა, როგორც იმერეთის აგრო ზონის ცენტრალურ მისადგომთან, ისე მომსახურების ობიექტებთან. ოპერატორებს შეუძლიათ შეიძინონ ან იჯარით აიღონ მიწის ნაკვეთები იმერეთის აგრო ზონისგან. ლოგისტიკურ ცენტრთან დაკავშირებით, IAZ-ს სურს კონკრეტული შემოთავაზების მიღება EoI პროცესის მეშვეობით, რათა განსაზღვროს სამართლებრივი სტრუქტურიების საკითხები (100%-ით IAZ-ის მფლობელობაში მყოფი, PPP პროექტი, 100%-ით კერძო კოოპერატივი, შპს თუ სს სტრუქტურები), რომელსაც უნდა მოიცავდეს მეორე ფაზაში (RFP პროცესი) მოწოდებული წინადადება.

კომერციული მოსაზრებები და პრინციპები

 

იმერეთის აგრო ზონა სასათბურე კლასტერის განვითარების პროექტს იმერეთის რეგიონის ეკონომიკური და სოციალური განვითარების ხელშეწყობის მიზნით ახორციელებს. მოსალოდნელია, რომ ლოგისტიკური და გაყიდვების კომპანიები აიღებენ ვალდებულებას იმერეთის აგრო ზონაში მოქმედი ფერმერული და სასათბურე მეურნეობების ბიზნესების ხელშეწყობისთვის. მოსალოდნელი ვალდებულებების ზოგადი მიმოხილვისთვის გთხოვთ გაეცნოთ პირობებს ფერმერული და სასათბურე ინვესტორებისთვის.

პროექტისთვის მიღებული კომერციული პრინციპები შესაბამისობაში მოვა საქართველოს მოქმედ კანონმდებლობასთან. მათ შორის, საქართველოს საჯარო-კერძო პარტნიორობის პოლიტიკასთან და გზამკვლევებთან.

მფლობელობის უფლებამოსილებები

როექტი განხორციელდება მფლობელობის შესაბამისი უფლებამოსილებების თანახმად, რომელიც ეხება როგორც განვითარების ასევე სამუშაო ფაზას. ლოგისტიკური და გაყიდვების სერვისების ფუნქციონირებისთვის საგანგებოდ გამოიყო მიწის ნაკვეთები. დამატებითი ინფორმაციისათვის გთხოვთ, იხილოთ გვერდი IAZ GHCD საწარმოო ნაკვეთები, რომლებშიც დაწვრილებით არის აღწერილი შეთავაზებული მიწის ნაკვეთებით სარგებლობასთან დაკავშირებული დეტალები.

გადაცემის მოთხოვნები

 

იმერეთის აგრო ზონა  გარე ინფრასტრუქტურისა და ინტერესის გამოხატვის (EOI) ფარგლებში შეთავაზებული მიწის ნაკვეთების მოსამზადებელ სამუშაოებს  განახორციელებს ეტაპობრივად - 2022 წლიდან  2024 წლამდე, წინასწარ დადგენილი ბიზნეს გეგმის მიხედვით.

მოსალოდნელია, რომ ლოგისტიკური და გაყიდვების კომპანიები, რომლებსაც წინადადების წარდგენის (RfP) ეტაპზე დადებული დასკვნის მიხედვით გაუფორმდებათ ხელშეკრულებები, როგორც გამარჯვებულებს, დაიწყებენ შესაბამისი სერვისების მიწოდებას მიწის ნაკვეთების განვითარების პარალელურად, ეტაპობრივად, იმერეთის აგროზონის მიერ დადგენილი ფაზების მიხედვით.

შესაძლებლობა კომერციული განვითარებისათვის

93 ფერმერული და სასათბურე მეურნეობის ბიზნესთან წვდომის პრივილეგიასთან ერთად, რომლებიც იმერეთის აგროზ ონაში სრული განვითარების ეტაპზე იფუნქციონირებენ, ლოგისტიკის კომპანიებს შეეძლებათ გააფართოვონ სერვისების მიწოდების ქსელი ახლომდებარე წვრილ ფერმერებსა და კოოპერატივებზე, რომლებიც უკვე აწარმოებენ ბოსტნეულს, მწვანილეულსა და კენკრას კოპიტნარის იძულებით გადაადგილებულ პირთა დასახლებასა და სოფლებში: ფარცხანაყანევი, მაღლაკი, გეგუთი და ტყაჩირი.

ევროკავშირისა და გაეროს ოთხი სააგენტოს ერთობლივი ინიციატივის - „ევროკავშირის ინოვაციური პროექტი კერძო სექტორის კონკურენტუნარიანობისთვის საქართველოში“ ფარგლებში, რომლის განხორციელებაშიც მონაწილეობენ გაეროს განვითარების პროგრამა (UNDP), სურსათისა და სოფლის მეურნეობის ორგანიზაცია (FAO), ინდუსტრიული განვითარების ორგანიზაცია (UNIDO) და მიგრაციის საერთაშორისო ორგანიზაცია (IOM), IAZ მოწვეულია განიხილოს „შესაფუთი სახლის“ (Packaging House) კონცეფციის შემუშავების შესაძლებლობა IAZ-ის სასათბურე მეურნეობის კლასტერული განვითარების აგროწარმოების ზონაში, საქართველოს შესაფუთი მასალების მწარმოებელთა ასოციაციასთან (PMAG) თანამშრომლობით, რომელიც აქტიურად არის მხარდაჭერილი გაეროს განვითარების პროგრამის „კლასტერები განვითარებისთვის - უკეთ განვითარებული ბიზნესი საქართველოში“ მიერ (Clusters 4 Development - Better Business Sophistication in Georgia) (https://eu4business.eu/projects/page-2/).